من قديم الزمان من خلال مواقف استطاعوا الناس صياغتها فى جمل قصيرة..
هنا بقي
وبما أن الفيس بوك هو مجتمع حديث النشأة
جبتلكم شويه امثال فيسبوكيه_-
- تعرف فولانه؟.. آه أعرفها.. شوفت الإنبوكس بتاعها؟.. لأ.. يبقى متعرفهاش.
- مش كل من عمل لنفسه صفحة فان.. هنقوله يا فنان.
- يا مآمن للبنات.. أوعى تخدعك اللايكات والكومينتات.
- إدارة الفيس بوك غير مسئولة عن فقد متعلقاتكم الشخصية وخصوصا الصور.
- البنت اللى تمسحك لما تتخطب.. متقلقش.. هترجعك تانى لما تتجوز.
- الأكونت اللى بيتقفل ما بيتصلحش.
- اللى يعمل لحد "آد" ويقوله "هاى ممكن نتعرف" مالوش مكان هنا.. مكانه الحقيقى فى المنتدى اللى جنبنا.
- لو كانت ع الفيس بوك.. لأضفتها.
- الأكونت اللى من غير صورة ولا اسم حقيقى.. زى طبق السلطة اللى من غير طماطم.. أوعى تقرب منه.
- عزيزتى الفتاة الرقيقة.. مش كفاية صور دباديب بقى؟!
- اللى ماتقدرش تقوله فى وشها.. اكتبه ع الوول عندها.
- مهما كانت الصورة عجباك.. أرجوك.. عشان خاطرى.. أوعى تعمل لى فيها تاج (عن صور الورد والفراشات والإفتكاسات).
- اللى تعرف ديتها.. ضيفها.
- البنت اللى ليها أكونتين.. هى نفس البنت اللى كل كلمة منها بمعنيين.
- الفيس بوك خلاااااااااااص ماعدش زى زمان.
- لو جمعنا مليون شخص فى جروب عشان نقفل جروب تانى.. نبقى عامليين زى اللى بينفخ بالونة عشان يفضى الهوا من بالونة تانية.. ومش بس كده ده احنا كمان بنعمل دعاية مجانية للبالونة المنفوخة.
- اللايك.. هو كومنت صاحبه معرفش يكتبه.
- البروفايل من غير وول.. باب مقفول.
- آخر المعروف.. تعملى ريمووووف
ليست هناك تعليقات