اذكر اين التقيتها اول مرة
اذكر اين بدأت قصتي معها
سيدتي لن انسى ذلك اليوم ما حييت
**********************************
على طريق الجامعة ما أحلى المشي
يوم غمزتيني وقلتي بترمشي
وفهمت يلله نتمشى سوى
ونهمس بالكلام وقلبي تهمشي
وفهمت يلله نتمشى سوى
وبالشارع انتي وانا لا سوى
ولما نرجع وقبل نوصل بيتكم
تقولي اسبقني بالمشي
ياما كنا نغيب حتى تغيب الشمس المشرقة
ونرجع بلهفة للتلاقي محرقة
وكنتي لأمك كل كذبة تفتري
بدك تنقلي المسالة من دفتري
وتستعوقك تا تسألك تتنفتري
وتعظي بسنانك على عا شفة مخمّشة
وإمك تقول: حسي عَِ دمك يا رشا
ووين بعدك دايرة بعد العشا
وكنا نلتقي بالحلم في جنح الليال
وندور نبني دور من نور وخيال
طال مشوار البعد وطال فراق سنين
صار حبنا رماد عا جمرة حنين
ياما ليالي بسمع بقلبي أنين
وكل ما يشوفني عاشق يقول: بكفي حزن
طال حزنك سنين وسنين
كبرتي, وكبرو زغارك وشجرة نوى
بيناتنا لا ثمار ترجى ولا نوى
لو كنت اعرف مصيري بالهوى
ما كنت مشيت انا وانتي سوى
لو كنت بعرف مصيري بالهوى
ما كنا مشينا بشارع الجامعة سوى
( رائد )
ليست هناك تعليقات